Vanity Fair ամսագիրը մասամբ ներկայացրել է իր ավանդական դարձած ամենալավ հագնվող հայտնի մարդկանց ցուցակը: Ներկայիս թոփ-ցուցակը դարձել է արդեն 72-րդը: 2011 թ-ի ցուցակը հատկանշական է նրանով, որ նրանում առաջին անգամ հայտնվել է որպես բրիտանական թագավորական ընտանիքի ներկայացուցիչ թագաժառանգ Ուիլիամի կինը՝ Քեմբրիջի դքսուհի Քեյթ Միդլթոնը: Նա այս ցուցակում է հայտնվել դեռևս 2008 թ-ին, երբ դեռևս թագաժառանգի հարսնացուն չէր:
Ինչ վերաբերում է թոփ ցուցակի մյուս մասնակիցներին, ապա այնտեղ են հայտնվել ԱՄՆ առաջին տիկին Միշել Օբաման, Ֆրանսիայի նախագահի կինը՝ Կարլա Բրունին, երգչուհի Լեդի Գագան, դերասանուհիներ Թիլդա Սուինթոնը և Քերի Մալիգան, Մոնակոյի իշխան Ալբեր 2-րդի կինը՝ Շարլենը, Հունաստանի թագուհի Ալեքսանդրան և ուրիշներ:
Ցուցակի տղամարդկանց մասում առաջին անգամ հայտնվել է Ջասթին Թիմբերլեյքը և «Օսկարի» դափնեկիր Քոլին Ֆերթը: Ցուցակում է նաև Ֆորմուլա 1-ի վարորդ Ջենսոն Բաթոնը, Մոնակոյի իշխան Ալբեր 2-րդը, գործարար Ալեխանդրո Սանտո Դոմինգոն, խոհարար Մարկուս Սամուելսոնը և այլ հայտնի տղամարդիկ:
Ամենալավ հագնվող հայտնի մարդկանց ամբողջական ցուցակը հրատարակվելու է Vanity Fair-ի մոտակա համարում: Նախնական ցուցակին կարելի է ծանոթանալ հրատարակչության պաշտոնական կայքում:
