Այսօր՝ հունվարի 20-ին, Ազգային ժողովում շարունակվում է հերթական նիստի աշխատանքը:
Անկախ պատգամավոր Արման Բաբաջանյանը ցանկացավ ելույթ ունենալ այն իրողությունների մասին, որոնք, իր խոսքով, շատ ավելի կարևոր են, քան քննարկվող հարցերը:
Նա նշեց. «Նախօրեին Ստեփանակերտում՝ եղբայրական գերեզման տանող ճանապարհին, հայկական դրոշները փոխարինվել են ռուսականով: Սրան նախորդել էր ՌԴ ԱԳ նախարար Լավրովի ասուլիսը, որում պարզվեց, որ պատերազմի պտասխանատուն հայկական կողմն է, և պարզվեց նաև, որ Ռուսաստանը պատրաստ չէ ճանաչել Արցախի կարգավիճակը, և այդ հարցը փոխանցում է ԵԱՀԿ Մինսկի խմբի հարթություն: Եվ Հայաստանը շարունակում է դրսից սպասել պատասխաններ, որոնք հստակեցման կարիք ունեն: Կարծում եմ, որ ԱԺ-ն անելիք ունի և բանաձևով պետք է իր պատկերացումը ներկայացնի Արցախի կարգավիճակի վերաբերյալ՝ մենք շարունակո՞ւմ ենք մնալ Արցախի անվտանգության երաշխավոր, թե՞ ոչ»:
Նա հարց բարձրացրեց` ի՞նչ կարգավիճակում են մարդիկ շարունակելու ապրել Արցախում, ի՞նչ անձնագրեր են ունենալու. «Մենք չենք կարող այս կարևոր հարցերի մասին պատասխան չունենալ: Հայաստանը պատրա՞ստ է քաղաքական պատասխանատվություն ստանձնել Արցախի համար, մեր խիզախ նահատակների հիշատակի համար»:
Մանրամասն՝ տեսանյութում:
