Այսօր՝ հունվարի 19-ին, ԱԺ հայտարարությունների ժամին «Իմ քայլի» պատգամավոր Հերիքնազ Տիգրանյանը նախ իր խոսքը հղեց արցախցիներին. «Ես ուզում եմ, որ դուք տեղեկատվական աղբը հստակ տարանջատեք փաստից և իրականությունից: Քաղաքական այս ամբիոնը ոչ միայն լալահառաչ ելույթների կամ քաղաքական օրակարգը առաջ մղելու համար է, այլ նաև փաստերը շարադրելու լայն հարթակ և հնարավորություն»:
«Սիրելի արցախցիներ, ՀՀ քաղաքացիներ, խնդրում եմ ուշադիր եղեք գերիների վերադարձի հետ կապված պաշտոնական տեղեկատվությանը և մի ակնկալեք երբևէ որևէ բաց աղբյուրում գտնել տեղեկատվություն, որովհետև նման զգայուն թեմաները երբևէ հրապարակման ենթակա չեն կարող լինել»,- հավելեց նա:
Պատգամավորը հերքեց բոլոր այն տեսակետները, թե կառավարությունը որևէ քայլ չի ձեռնարկում կամ մոռացել է հետպատերազմյան սոցիալ-տնտեսական խնդիրները, և հիշեցրեց, թե կառավարությունը ինչ ծրագրեր է իրագործում:
Մանրամասն՝ տեսանյութում: