Վթարի ենթարկված ինդոնեզական Boeing 737-524 ինքնաթիռի սև արկղի տվյալները վկայում են, որ ինքնաթիռի երկու շարժիչներն էլ վթարի պահին սարքին վիճակում են եղել: Այս մասին հաղորդում է Daily Mail-ը՝ Ինդոնեզիայի տրանսպորտի անվտանգության ազգային կոմիտեին (KNKT) հղումով:
Նշվում է, որ օդանավի շարժիչների սարքինության հաստատումից հետո կործանման պատճառը մնում է անհայտ:
Հունվարի 15-ին փորձագետները վերծանել են թռիչքի պարամետրերը գրանցող ինքնագրիչի տվյալները: Սև արկղը հայտնաբերվել է հունվարի 12-ին՝ ծովում, Ինդոնեզիայի մայրաքաղաք Ջակարտայի ափերի մոտ: Հունվարի 15-ին հաղորդվել է նաև, որ հայտնաբերվել է երկրորդ սև արկղը, սակայն այն ավելի ուշ կորել է:
Ինդոնեզական մարդատար ինքնաթիռը վթարի է ենթարկվել հունվարի 9-ին՝ Ջակարտայի օդանավակայանից Պոնտիանակ քաղաք թռչելիս: Թռիչքից 4 րոպե անց ինքնաթիռն անհետացել է ռադարների էկրաններից ու դադարել է կապի դուրս գալ: Ենթադրվում է, որ ինքնաթիռը կարող էր պայթել ջրի հետ հարվածի հետևանքով:
