Այսօր Իլհամ Ալիևը հայտարարել է, որ եթե իր հայրը՝ Հեյդար Ալիևը խորհրդային շրջանում Կոմկուսի առաջին քարտուղարի պաշտոնում մնար ևս 10 տարի, ապա կփոխեր ԼՂԻՄ֊ի դեմոգրաֆիական պատկերը, ադրբեջանական ազգաբնակչությունը կդառնար մեծամասնություն և չէր լինի ղարաբաղյան հակամարտությունը։ Նման 《խոստովանություններ》 ժամանակին արել է նաև Հեյդար Ալիևը՝ հստակ արձանագրելով, որ իր քաղաքականության նպատակն էր հայաթափել Արցախը և բնակեցնել տարածքը ադրբեջանցիներով։ Այսպիսի ծրագրված քայլերով ադրբեջանական կողմը ժամանակին հայաթափեց Նախիջևանը, իսկ հետո իրագործեց մշակութային ցեղասպանություն՝ ոչնչացնելով Ջուղայի խաչքարերը քաղաքակիրթ աշխարհի աչքի առաջ։
Ադրբեջանի նախագահի գործողություններն ու հայտարարությունները ևս մեկ անգամ փաստում են այդ երկրի ղեկավարության իրական մտադրությունների՝ էթնիկ զտում իրականացնելու և Արցախը հայաթափելու մասին։
