Ղազախստանի նախագահ Քասիմ Ժոմարտ Տոկաևը ստորագրել է օրենք «Մահապատժի վերացմանը ուղղված Քաղաքացիական և քաղաքական իրավունքների միջազգային դաշնագրի երկրորդ կամընտիր արձանագրության վավերացման մասին»: Այս մասին հաղորդում է «Ինտերֆաքսը»՝ հղում անելով պետության ղեկավարի մամլո ծառայությանը:
Համապատասխան արձանագրությունն ընդունվել է 1989 թվականի դեկտեմբերի 15-ին Նյու Յորքում ՄԱԿ-ի Գլխավոր ասամբլեայում: Ղազախստանը ընթացիկ տարում միացել է արձանագրությանը մեկ վերապահումով:
«Արձանագրությունն ուղղված է Ղազախստանի Հանրապետության կողմից մահապատժի վերացման միջազգային պարտավորությունների ընդունմանը»,- ասվում է հաղորդագրության մեջ:
