ԱՄՆ ներկայիս նախագահ Դոնալդ Թրամփը չորեքշաբթի օրը անորոշ ժամանակով երկարացրել է հուշագրի գործողությունը այն երկրների դեմ, որոնք հրաժարվում են իրենց քաղաքացիներին վերադարձնել Միացյալ Նահանգներից կամ հետաձգում են այս գործընթացը համաճարակի պայմաններում: Փաստաթղթի տեքստը տարածել է Սպիտակ տան մամուլի ծառայությունը:
«Այս հուշագիրը կշարունակի գործել այնքան ժամանակ, քանի դեռ նախագահը չի դադարեցրել այն», – ասվում է փաստաթղթում: Ապրիլի 10-ին ստորագրված հուշագիրն ի սկզբանե ենթադրվում էր ուժի մեջ մնալ միայն մինչև 2020 թվականի դեկտեմբերի 31-ը: Ընդ որում, նախատեսվում էր դրա երկարացման հնարավորությունը:
