«Նովոռոսիա» նախագիծը դեռ չի ավարտվել, և Ուկրաինան կարող է կորցնել ևս վեց մարզ: Այս մասին հայտարարել է ուկրաինական ոստիկանության պաշտոնաթող գեներալ-լեյտենանտ Գենադի Մոսկալը «Apostrophe» youtube ալիքում:
«Նովոռոսիա նախագիծն ինքնին չի ավարտվել: Բոլորը կարծում են, որ սա «ամենն» է: «Նովոռոսիա» նախագիծն ընդգրկում էր Խարկովի, Դնեպրոպետրովսկի, Օդեսայի, Զապորոժիեի, Նիկոլաևի, Խերսոնի շրջանները: Այն Սուրկովի և Կոզակի նախագիծն է: Ո՞ւմ հետ ենք բանակցում», – ասել է Մոսկալը: Այս մասին նա ասել է՝ քննադատելով նախագահ Վլադիմիր Զելենսկու քաղաքականությունը՝ ռազմական հակամարտությունը լուծելու ուղղությամբ:
Մոսկալը նշել է, որ հենց դա է պատճառը, որ ինքը «տագնապով» է կարդում Գլխավոր շտաբի զեկույցները Ղրիմում ռուսական զորքերի տեղաշարժերի մասին:
Մոսկալը աշխատել է որպես Լուգանսկի մարզային պետական վարչության նախագահ 2014-ի սեպտեմբերի 18-ից մինչև 2015-ի հուլիսի 15-ը:
2014-ին Դոնեցկի ու Լուգանսկի շրջանների տարածքներում հռչակվեցին անկախ հանրապետություններ, որոնց ղեկավարությունը հայտարարեց «Նովոռոսիա» դաշնակցային պետության ստեղծման մասին: Այս պայմանագիրը հետագայում կասեցվեց: