Երրորդ հանրապետություն համակարգը հասել է իր սպառման եզրագծին: Եթե դեռևս անդունդի հատակին չէ, ապա շատ քիչ է մնացել: Այս մասին «Առաջին լրատվական»-ի հետ զրույցում ասաց Ազգային ժողովրդավարական բևեռի ներկայացուցիչ Վարուժան Ավետիսյանը:
«Քանի որ հիմա մեծ վերանայումների ժամանակաշրջան է, այս երեք տասնամյակների համար մոդեռնիզացված Սովետական Հայաստան պրոյեկտն այլևս չի կարող կենսունակ լինել… Քանի դեռ այդ համակարգի մեջ ենք, որևէ լուծում չկա: Ինքնամսխման ինքնոչնչացման վերջին փուլի մեջ ենք մտել, պետք է համակարգը փոխվի: Առաջին հերթին Առաջին Հանրապետության իրավահաջորդությամբ մենք կարող ենք այս իրավիճակից դուրս գալ:
Ինչպես տեսնում եք Մոսկվան արդեն ստիպում է պաշտոնական Երևանին հանգելու ոչ միայն փաստացի կապիտուլյացիայի, այլ նաև միջազգային իրավական կապիտուլյացիայի և միջազգային անօտարելի իրավունքներից և շահերից հրաժարման: Խոսքը վերաբերում է պայմանագրին, խոսվում է դելիմիտացայի և դեմարկացիայի մասին, մինչդեռ ՀՀ սահմանը 100 տարի առաջ որոշվել է, և այդ փաստաթղթերը անփոփոխելի և անժամկետ են: Կամք է պետք հաղթահարելու չարիքի այս փակ շղթան, ընդամենեը արձանագրելով, որ մենք տեր ենք մեր ժառանգությանը»,- նշեց Վարուժան Ավետիսյանը:
«Մենք կանգնած ենք Մոսկվայի և Կարսի պայմանագրով Հայաստանը ռեզերվացիայի վերածելու վտանգի առաջ»,- ընդգծեց մեր զրուցակիցը:
Մանրամասները՝ տեսանյութում:
