Այսօր՝ դեկտեմբերի 9-ին, Ազգային ժողովը շարունակում է հերթական նիստի աշխատանքը: Այժմ քննարկվում է 2021թ. ՀՀ պետական բյուջեի մասին օրենքի նախագիծը:
Բյուջեի ուղերձը խիստ կարևոր է ապրեցնելու և հույսի իմաստով. Այս մասին հայտարարեց պատգամավոր Սերգեյ Բագրատյանը. «Ինձ համար լուրջ չէ բյուջեն դիտարկել առանց ուղերձի: Մենք չպետք է մեր ժողովրդին պարտության ուղերձներ հղենք: Այս պատերազմում մեր կրած անհաջողությունը պայմանավորված է եղել տնտեսական կացությամբ. քաղաքական հարցերը պայմանավորվում են տնտեսությամբ»:
Նրա խոսքով` մեր բյուջեն 3.5 մլրդ դոլար է, երբ մեր թշնամու պետության` Ադրբեջանի բյուջեն 14 մլրդ է. «Ուստի մենք չենք կարող մրցակցել այդ պետության հետ»:
Պատգամավորը նշեց, որ շարունակվում է 30 տարվա իներցիայով աշխատանքը. «Չենք գիտակցում, որ պատերազմը դեռ չի ավարտվել: Ինձ համար հասկանալի չէ, որ բյուջեի լուրջ փոփոխության չենք գնում: Ինքնահանգստացմամբ պետություն չենք զարգացնելու»:
Մանրամասն՝ տեսանյութում:
