Չեխիայի գիտությունների ակադեմիայի մասնագետները հորինել են թուղթ, որը ոչնչացնում է կորոնավիրուսը: Այս մասին հայտնում է ChTK գործակալությունը:
«Իրականացված փորձարկումները ցույց են տվել, որ 10 րոպեում մակերեսի վրա COVID տիպի վիրուսը ոչնչանում է 70 տոկոսով, և 30 րոպե հետո տեղի է ունենում կորոնավիրուսի ամբողջական ոչնչացում», – մեջբերվում է Չեխիայի Գիտությունների ակադեմիայի ներկայացուցիչ Իրժի Սոբեկի խոսքերը:
Ըստ նրա՝ թուղթը հագեցած է քիմիական նյութերով, ուստի մանրէների 99% -ը մեկ րոպեում անհետանում են մակերեսից:
Մշակողները կարծում են, որ թուղթը լայնորեն կօգտագործվի դրամական արժույթի և փաստաթղթերի արտադրության մեջ: Առաջիկայում Չեխիան կարտադրի 10 տոննա նման թուղթ: