ՀՀ Նախկին նախագահները բանակցային սեղանի շուրջ խոսում էին 5+2 շրջանների վերադարձի մասին, բայց սեփական հանրության առջև հանդես էին գալիս որպես «ոչմիթիզական» և պնդում էին, որ իրենք հանդես կգան որպես կառուցողական և ցույց կտան, որ հանրությունը թույլ չի տալիս գնալ զիջումների: Այս մասին «Առաջին լրատվական»-ի հետ զրույցում ասաց Հնարային խորհրդի նախագահ, քաղաքագետ Ստեփան Սաֆարյանը:
«Ես չեմ ասում թե դա եղել է սրիկայություն կամ դավաճանություն, իմ գնահատմամբ՝ դա եղել է գավառական «շուստրիություն»: Նախկին ուժերի հենարանը կազմող քաղաքական ուժերը հանրությանը ներարկել են «ոչմիթիզականությունը, ազգայնականությունը:
Երկրորդ վտանգն այն է, որ շատերը միամտաբար հույսը դրել էին նրա վրա, որ աշխարհի բոլոր պետությունները շահագրգռված են ստատուս-քվոյի պահպանմամբ և իրենք կպահպանեն տիրող իրավիճակը»,- նշեց Սաֆարյանը:
Նրա դիտարկմամբ՝ տարիներ շարունակ մենք մտածել ենք, որ լայնամասշտաբ պատերազմ չի լինի, և այս պատերազմը վեր հանեց բազում միֆեր՝ կապված մեր անվտանգության հետ, որոնք մենք ստեղծել ենք:
Հանրային խորհրդի նախագահի խոսքով՝ այժմ Արցախն օկուպացվել է. «Անհրաժեշտ է ռիսկերը վերահսկել: Ստեղծված իրավիճակը հետևանք է այն բանի, որ շատ դեպքերում խուսափել ենք սուր հարցերին բաց, շիտակ աչքերով նայել… Արցախի հիմնախնդրի հարցը փակված չէ, քանի դեռ չի լուծվել տարածաշրջանի անվտանգության հարցը»:
Մանրամասն՝ տեսանյութում:
