Մոսկվայում բժիշկները հիվանդի քթից մետաղադրամ են հանել, որն այնտեղ է եղել ավելի քան 50 տարի: Այս մասին հաղորդվում է ՌԴ մայրաքաղաքի առողջապահության վարչության պաշտոնական կայքում:
Նշվում է, որ 59-ամյա տղամարդը գնացել է պոլիկլինիկա և բողոքել, որ արդեն մի քանի ամիս չի կարողանում շնչել: Համակարգչային տոմոգրաման ցույց է տվել, որ տղամարդու աջ քթանցքի խորքում օտար մարմին կա: Բացի այդ, բժիշկները հայտնաբերել են քթի միջնապատի դեֆորմացիա:
Միայն ՀՏ-ից հետո է հիվանդը հիշել, որ վեց տարեկան հասակում խաղի ժամանակ մեկ կոպեկանոց մետաղադրամ է մտցրել քթի մեջ, իսկ հետո ընդհանրապես մոռացել այդ մասին: Ըստ բժիշկների, ավելի քան 50 տարվա ընթացքում քթի խոռոչում մետաղադրամի շուրջ քարի խտության կոնգլոմերատ է ձևավորվել՝ ռինոլիտ:
Բժիշկներն էնդոսկոպիկ վիրահատության միջոցով կատարել են հիվանդի քթի միջնապատի ենթալորձաթաղանթի ուղղում, ինչպես նաև հեռացրել են օտար մարմինը քթի խոռոչից: Տղամարդն արդեն տուն է վերադարձել: