ՀՀ ՊՆ ռազմական վերահսկողական ծառայության նախկին պետ, գեներալ-գնդապետ Մովսես Հակոբյանը հրավիրվել է ՀՔԾ։ Տեղեկությունը հաստատեց Մովսես Հակոբյանը՝ նշելով, որ հրավեր ստացել է, գնացել է, հարցաքննվել, վերադարձել տուն։
Նա հայտնեց, որ հարուցված քրեական գործ չկա, բացատրություն է տվել` նախապատրաստվող նյութերի շրջանակներում։ ՀՔԾ հրավերի պատճառը ասուլիսի ընթացքում արված հայտարարություններն են։
Ավելի վաղ տեղեկացրել ենք, որ այսօր մամուլի ասուլիս էր հրավիրվել, որի շրջանակներում գենելար-գնդապետ Մովսես Հակոբյանը մի շարք բացահայտումներ է արել, այդ թվում, որ վարչապետի հանձնարարությամբ պատերազմի երրորդ օրը դադարեցվել է բանակի լրահամալրումը ։ Ասուլիսի տեսագրությունը դատախազությունն ուղարկել էր ՀՔԾ՝ նյութեր նախապատրաստելու համար։