ԱՄՆ-ի քաղաքացիական ավիացիայի դաշնային վարչությունը (FAA) թույլատրել Է վերսկսել Boeing 737 MAX հանրանավերի շահագործումը: «Boeing 737-8 եւ 737-9 (միասին 737 MAX կոչվող) ինքնաթիռներ՝ վերադարձ դեպի շահագործում»,-ասվում Է գերատեսչության կայքում զետեղված ծանուցման մեջ:
737 MAX-ի թռիչքները ԱՄՆ-ում եւ մի շարք այլ երկրներում դադարեցվել Էին այն բանից հետո, երբ կործանվեց երկու այդպիսի ավիալայներ: 2019 թվականի մարտին Ethiopian Airlines ավիաընկերության Boeing 737 MAX-ը աղետի ենթարկվեց Եթովպիայի Դեբրե-Զեյթ քաղաքից ոչ հեռու: Ինքնաթիռում գտնվում Էր 157 մարդ, նրանք բոլորը զոհվեցին: 2018 թվականի հոկտեմբերին կործանվեց ինդոնեզական Lion Air-ի հենց այդպիսի մի ինքնաթիռ, զոհ դարձավ 189 մարդ: 2019 թվականի հոկտեմբերին JATR (Joint Authorities Technical Review) միջազգային փորձագետների խումբը զգալի թերություններ Է հայտնաբերել 737 MAX ինքնաթիռի հավաստագրման ժամանակ, որոնք թույլ Էին տրվել Boeing ընկերության եւ ԱՄՆ-ի քաղաքացիական ավիացիայի դաշնային վարչության կողմից: Մասնավորապես, փորձագետների կարծիքով, մանեւրումն ուղղելու համակարգի (MCAS) մասին կարեւոր տեղեկատվությունը FAA-ի կողմից ներկայացվել Էր ոչ լրիվ ծավալով, իսկ կարգավորիչն ինքը Boeing-ին արտակարգ լիազորություններ Էր տրամադրել հավաստագրման գործընթացում, հաղորդել Է ՌԻԱ Նովոստին:
