Պատերազմը երկու մշակույթների հակադրություն և պայքար է․ մեր մշակույթը պարտություն է կրել: Դրա արմատները շատ խորն են: Այս մասին «Առաջին լրատվական»-ի հետ զրույցում ասաց քանդակագործ Սահակ Պողոսյանը:
«Ինձ համար անակնկալ չէր պարտությունը, որովհետև ես ավելի քան 30 տարի մշակութային ոլորտի դիտանկունից եմ հետևում այն ամենին, ինչ տեղի է ունենում: Մեր բացթողումը, մեր կոնցեպտուալ սխալը նոր չէ, այն գալիս է դեռ անցյալ դարի 60-ականներից, երբ հայկական մտավորականությունը չկարողացավ գիտակցել, թե ինքը որտեղ է ապրում, ինչ է ուզում և ինչպես կարելի է հասնել դրան: Իրականում ինչ է տեղի ունեցել. այն ժամանակվա երկու գերտերությունները՝ ԽՍՀՄ-ը և ԱՄՆ-ը գտնվում էին սառը պատերազմի ամենաթեժ պիկի վրա, և ամեն ինչը փորձում էին օգտագործել ի շահ իրենց կայսրությունների:
Երբ որ 60-ականներին ԱՄՆ-ը միջուկային զենք տեղադրեց այսօրվա Թուրքիայի տարածում, որպեսզի քաղաքական ազդեցություններ ունենա Թուրքիայի վրա, ԽՍՀՄ-ը թույլ տվեց, որ ազգերն իրենց ազգային զգացմունքներն ի ցույց դնեն: Եվ Հայաստանում սկսվեց շահարկվել հայդատականությունը: Վրեժի կոչ էր արվում հասարակությանը:
Այդ ամեն ինչը Ռուսաստանը շատ լավ օգտագործում էր, դա քաղտեխնոլոգիա էր, որը հետագայում վերածվեց հիբրիդային պատերազմի: Այդ հիբրիդային պատերազմներից մեկը Հայստանում Ղարաբաղյան շարժումն էր, որը 88-ից սկսած՝ որպես դանդաղ գործողության ռումբ, ներդրվեց ՀՀ-ում. այսօր այդ ականը պայթեց և պայթեց մեր ժողովրդի համար շատ ցավալի»,-նշեց Պողոսյանը:
Մանրամասները՝ տեսանյութում:
