2013-ին Սիրիայի Մաալուլ հին քրիստոնեական քաղաքը գրաված ահաբեկիչները մահվան սպառնալիքով ստիպեցին բնակիչներին իսլամ ընդունել: Այս մասին պատմել են իրենք՝ տուժողները:
Թումա Ֆադհա քաղաքի բնակիչը լրագրողներին ցույց տվեց հայր Հովսեփի քարանձավը, որում նստել էր զինյալների մորուքավոր առաջնորդը՝ հսկայական սրով, իսկ նրա շուրջը զինվորներ էին հավաքված։ Նրանք պահանջում էին իսլամ ընդունել:
«Նրանք ինձ վրա նշան էին բռնել։ Պահանջում էին, որ հրաժարվեմ քրիստոնեությունից և իսլամ ընդունեմ: Ես ասացի նրան. «Դուք մահմեդական եք և փառք Աստծու: Ես քրիստոնյա եմ և նույնպես փառք Աստծու: Ինչո՞ւ եք ինձ ստիպում հրաժարվել իմ հավատքից»,- հիշեց նա:
2013-ին, Մաալուլուն գրավելուց հետո, ահաբեկիչները տեղավորվեցին Sapphire հյուրանոցում, որը գտնվում էր բլրի վրա: Նրանք կողոպտեցին քաղաքի եկեղեցիներն ու վանքերը, իսկ բնակիչները ստիպված թաքնվեցին շրջակա քարանձավներում:
«Հիմա, փառք Աստծու, լավ ենք ապրում: Իհարկե, շատ սարսափելի էր, երբ զինյալները եկան: Եվ հետո մեզ տարհանեցին: Փաստորեն, մենք վերջինը լքեցինք քաղաքը», – ասաց Մանալ Հաննան` Սուրբ Թեքլա վանքի մի միանձնուհի:
Նրա խոսքով՝ այժմ վանականները աղոթում են այն բանի համար, ինչի մասին երազում են. որ մարդիկ ավելի քիչ տառապեն, և կյանքն ավելի պայծառ լինի:
