«Ազատ քաղաքացի» ՀԿ նախագահ Հովսեփ Խուրշուդյանը ֆեյսբուքյան իր էջում գրել է.
Հայաստանի Հանրապետությունը դա նաեւ հայ ժողովրդի ընտրած իշխանությունն է։ Հանձնել, զոհաբերել Հայաստանի օրինական իշխանությունը արտաքին որեւէ ուժի քմահաճույքով կնշանակի մեր պետության ինքնիշխանության վերջը, հզոր, անկախ եւ երջանիկ երկիր ունենալու մեր երազանքների ոչնչացում, ու անգամ ավելի կործանարար կլինի, քան որեւէ դիրքից կամ քաղաքից մեր զորքի ժամանակավոր նահանջ։ Ով սա չի հասկանում – նա չի հասկանում թե ինչ է պետություն եւ ինքնիշխանություն եւ արժանի չի կոչվել պետականաստեղծ ազգի ներկայացուցիչ, այլ ընդամենը քոչվոր ցեղախմբի սերմացք։
Իսկ ներքին թշնամիները, պառակտիչները, կեղծ խուճապային լուրեր, ալիեւյան թեզեր Հայաստանում տարածողները պետք է մեկուսացվեն մինչեւ մեր հաղթանակը, որից հետո դատվեն եւ դատապարտվեն որպես պետական հանցագործներ։ Միայն այդպես, թիկունքը կուռ, միասնական պահելով կունենանք հաղթանակ։
