Իրանը տարածաշրջանի հարևան երկրներին առաջարկում է համագործակցել և երկխոսություն վարել ԱՄՆ նախագահ Դոնալդ Թրամփի «հեռանալուց» հետո: Այս մասին հայտարարել է Իրանի արտգործնախարար Մոհամադ Ջավադ Զարիֆը։
«Թրամփը հեռացավ, բայց մենք և հարևանները մնում ենք: Դրսից կախվածությունը անվտանգություն չի բերում, այլ միայն հուսահատեցնում է: Մենք համագործակցության ձեռք ենք մեկնում` ապահովելու ժողովուրդների և մեր երկրների ընդհանուր շահերը: Մենք բոլորին հրավիրում ենք երկխոսության, քանի որ դա հակասություններն ու լարվածությունը լուծելու միակ միջոցն է», – գրել է Զարիֆը Twitter- ում:
