Լուրեր
Նոր իրականության մեջ զարթնել են հին հրեշները․ հնարավոր է՝ երրորդ համաշխարհային պատերազմ էլ լինի

Ֆրանսիայից և Ռուսաստանից հետո մի ապտակ էլ ստացավ ԱՄՆ-ը. հրադադարի պայմանավորվածությունն արդեն երրորդ անգամն է խախտվում: «Առաջին լրատվական»-ի հետ զրույցում անդադառնալով այս դիտարկմանը` քաղաքագետ Անուշ Սեդրակյանը նշեց, որ պետք է արձանագրել՝ Ալիևը այլևս դեր չունի, Ադրբեջանը որպես պետություն չկա, կորցրել է իր անկախությունը:

«Թուրքիան չի մարսելու իր հերթական hարձակումը, չի մարսելու, քանի որ մեր պարտությունը կնշանակի տարածաշրջանի պարտություն, և պանթյուրքիզմի ծրագիրը շատերի համար շոշափելի վտանգ է: Նոր իրականության մեջ զարթնել են հին հրեշները: Երբ որ ֆաշիզմը  գլուխ բարձրացրեց և կործանիչ ալիքով ավերեց Եվրոպան, հենց ֆաշիզմը ստեղծած երկիրը դատապարտեց ֆաշիզմը, իսկ ցեղասպանությունը ոչ մի երկիր չդադատապարտեց, և այդ պատճառով էլ կրկնվեց նախադեպը:

Հիտլերն ասաց՝ ով է հիշում հայերի ցեղասպանությունը, և գնաց նոր ցեղասպանության, և հիմա Էրդողանը փորձում է կրկնել ցեղասպանությունը: Եվրոպան չի կարող մարտնչել ահաբեկչական խմբերի դեմ, որովհետև Եվրոպան վաղուց արդեն չունի այլ թշնամի, քան եվրոպացին. Եվրոպան չի պայքարում թուրք սելջուկային ցեղերի դեմ, որոնք չեն փոխել իրենց հոգեբանությունը:

Պատմական թողտվությամբ ստեղծեցին Հիտլերին, Էրդողանին էլ են ստեղծել թողտվությամբ: Էրդողանն ունի հիտլերյան ամբիցիաներ: Մի՞թե գերտերությունները չեն հասկանում, որ հնարավոր է՝ երրորդ համաշխարհային պատերազմ էլ լինի: Այս կռիվը Ղարաբաղի համար չէ, Ղարաբաղը պանթյուրքիստական ծրագրի իրականացման համար առիթ է, և այս կռիվը գնում է տարածաշրջանում Թուրքիայի անվիճելի ազդեցության համար:

Մանրամասն՝ տեսանյութում:

  • Դիտումներ՝ *