Թշնամին երբեք էլ իր պատմության ընթացքում ոչ մի պայմանավորվածություն չի պահպանել. ցավալի է, որ բոլոր հարևաններն այդ մասին գիտեն, բայց մենք, որ հայերնազրկվել ենք այդ թշնամու պատճառով, ինչ կոտորածների ենէ ենթարկվել տարբեր ժամանակներում, մինչև այսօր դա չենք տեսնում: Այս մասին «Առաջին լրատվական»-ի հետ զրույցում նշեց «Սասնա ծռեր» զինված խմբի անդամ, ազատամարտիկ Պավլիկ Մանուկյանը, ով օրերս է վերադարձել առաջնագծից:
«Մենք այսօր խոսում ենք, որ Արևմտյան Հայաստանում այսքան ծպտյալ հայեր կան, բայց երբևիցե որևէ հայ մտավորական չի ասում՝ բա մեր մեջ ինչքան ծպտված թուրքեր կան, որոնք այսօր կազմում են հայկական իշխանական էլիտան:
Այս պատերազմից իմ կարճ ենթադրությունը բերում է նրան, որ 30 տարի իշխանությունն անցել է ծպտյալ թուրքական էլիտայի ձեռքը: Ցավալի է, որ հայ ազգն ականջալուր չեղավ հայ զինվորի խոսքին ու ստիպված ենք նորից ամենատանկարժեք կենարար արյունով հատուցել»,-ասաց նա:
Պավլիկ Մանուկյանը հավելեց, որ ահավոր դժվար բան է նայել մեռնող զինվորի աչքերին. «Գիտե՞ք՝ ինչ դժվար բան է, որ քո կիսատ գործը թողնում ես հաջորդ սերնդի վրա: Երկրորդ անգամ ես ստիպված լինում տղուդ վերցնելու ռազմաճակատ գնալ»: