Լավրովի պլանին կամ հարանման սցենարներին համաձայնությունը նախկին իշխանությունների կողմից բազմիցս այս կամ այն կերպ արտահայտվել է: «Առաջին լրատվական»-ի հետ զրույցում այսպիսի կարծիք հայտնեց Գյումրիի լրագրողների «Ասպարեզ» ակումբի նախագահ Լևոն Բարսեղյանը: «Վարչապետը վերահաստատեց իր դիրքը, որ նման բանի Հայաստանը չի գնալու, և մինչև վերջ մենք պայքարելու ենք և հաղթելու ենք: Սա էր գլխավոր ուղերձը ինձ համար»,- հավելեց նա:
Մեր զրուցակցի խոսքով՝ Լավրովի ասածն այն էր, որ իրենք նոր ասելիք չունեն և որևէ շոշափելի բան չունեն ընդդեմ Թուրքիայի նկրտումների առաջարկելու:
«Հեղափոխությունից հետո վարչապետը չխաղաց այն կանոններով, որոնցով մինչ այդ խաղում էին Հայաստանի իշխանությունները: Վարչապետը հասկացնել տվեց, որ կամ լինելու է այնպես, որ երեք կողմերին էլ՝ ՀՀ, Արցախի և Ադրբեջանի ժողովուրդներին, ձեռնտու լինի, կամ ուրիշ ճանապարհ չկա: Եվ սա հասկանալի էր, որ անընդունելի էր թուրք-ադրբեջանական զույգի համար, խառնում էր իրենց խաղաքարտերը և մեծ դժգոհություն էր հարուցում իրենց մոտ, թե բա՝ նախկինների հետ մենք բան ենք խոսել, այ ընկեր, էս ինչ ես անում: Մոտավորապես սա էր ասում Ալիևը պատերազմից հետո իր հրապարակային խոսքերից մեկում»,- նշեց Լևոն Բարսեղյանը:
Մանրամասն՝ տեսանյութում:
