Արցախի նախագահ Արայիկ Հարությունյանը տեղեկացրել է, որ հրամանագիր է ստորագրել ԱՀ տարածքից դուրս գալու հատուկ ռեժիմի մասին:
«Հիմք ընդունելով Արցախի Հանրապետության «Ռազմական դրության իրավական ռեժիմի մասին» օրենքի դրույթները, հրամանագիր եմ ստորագրել, որով ԱՀ տարածքում ազատ տեղաշարժվելու իրավունքի որոշակի սահմանափակումներ են մտցվել, ինչպես նաև սահմանվել է նշված տարածքից ԱՀ քաղաքացիների դուրս գալու հատուկ ռեժիմ:
Տվյալ հրամանագրով նախատեսված միջոցառումներն իրականացնելու և իրավունքների ու ազատությունների ժամանակավոր սահմանափակումների կիրառումն ապահովելու, ուժերի և միջոցների միասնական ղեկավարումն կազմակերպելու նպատակով ստեղծվել է պարետատուն, որի ղեկավարման համար պարետ է նշանակել ԱՀ արտակարգ իրավիճակների պետական ծառայության տնօրեն Կարեն Սարգսյանը:
Արցախի Հանրապետության տարածքից ելքը սահմանափակվել է զորահավաքային զորակոչի ենթակա ԱՀ քաղաքացիների համար և թույլատրվում է միայն հատուկ դեպքերում՝ պարետի կողմից տրված անցաթղթի առկայության դեպքում։ Պարետին լիազորվել է նաև, ըստ անհրաժեշտության, սահմանել ԱՀ որոշակի տարածքներ անձանց, տրանսպորտային միջոցների մուտքի (ելքի), այդ տարածքներում գտնվելու և տեղաշարժվելու հատուկ կարգ և պայմաններ»,- տեղեկացրել է Արցախի նախագահ Արայիկ Հարությունյանը:
https://www.facebook.com/ArayikHarutyunian/posts/625505448146832?__xts__[0]=68.ARDDbO3gUtZXEtfT0dFtz2UmyCV6A-TQ7cesjv5z6hZowNbcGWVMRaVWx5g3a7gjvHP072vGQLG07cZseYs-9otkWWjpRBFhiX0fr52NVh7icY86yTPK3roD1KlL7v1FmAZPl4UcMvkjgjGnnSv0R-aewHGJ13f4K6KgAMmSagKTSw-KC0di7xtBdQCSIzO–J9bam0ypsJwy6yF9a3ItZVryd7Jt5jFwSkASThCzxu7qrOcPGNB-KLrjR-nFaB7-L9pTWNRUQ4SfoxTkbjtlcQJVkwkkDldu3UdbL3k48cfzp9ySL1D7PfK1OWW97Lk8o2oZHVvl2es7d88wP8
