Ս/Թ հուլիսի 21-ին ՍԴՀԿ Կ. Վարչությունը հանդես էր եկել հայտարարությամբ, որը վերաբերում էր Վանաձորի կենտրոնական հրապարակում իրականացվող` անտրամաբանական, հակաճարտարապետական կցակառույցին:
ՍԴՀԿ Կ.Վ. հայտարարությունից անմիջապես հետո «Գուգարք» հյուրանոցի սեփականատեր Գագիկ Հովսեփյանը և Վանաձորի ճարտարապետության և քաղաքաշինության բաժնի պետ Տիգրան Պապանյանը հանդես եկան տեղական հեռուստատեսությամբ: Վերջիններս, անտեսելով Վանաձորցիների ակնառու դժգոհությունները, համոզում էին, թե կցակառույցի նախագիծը անցել է համապատասխան փորձաքննության և օրինական է:
Դիմում ենք ՀՀ Կառավարությանը, ճարտարապետների միությանը, հուշարձանների պահպանության պետական կոմիտեին՝ անհապաղ դադարեցնե՛լ կցակառույցի շինարարական աշխատանքները և նշանակել նոր փորձաքննություն:
Պարոնայք իշխանավորներ, եթե ցանկացած երկրում, ցանկացած ճարտարագիտական համալսարանի ուսանող «Գուգարք» հյուրանոցի կցակառույցը որպես դիպլոմային աշխատանք ներկայացներ, ապա կզրկվեր որակավորման դիպլոմից:
Վերոհիշյալ կցակառույցը կոպտորեն խախտում է Վանաձորի հրապարակի կոմպոզիցիան չի համապատասխանում քաղաքաշինության տարրական նորմերին:
Պարոնայք իշխանավորներ։ Սպասում ենք Ձեր համապատասխան եզրահանգմանը:
ՍԴՀԿ Վանաձորի վարչություն
Բաց նամակին միանում են
•«Երևաննախագիծ» ՓԲԸ
• Ճարտարագետ Արամայիս Ասլանյան
• « Տրանսնախագիծ» ՓԲԸ
• Ճարտարագետ Մարտին Ասլանյան
• «Երևաննախագիծ» ՓԲԸ
• Ճարտարապետ Ֆելիքս Զարգարյան
• Ճարտարապետ Ամալյա Ռոստոմյան
