Այս օրերին տեղեկություններ տարածվեցին, որ Վրաստանի տարածքով զենք է մատակարարվում Ադրբեջանին։
Այս տեղեկության հետ կապված ինչպիսի՞ն է ձեր կարծիքը․ «Առաջին լրատվական»-ի հարցին «Բազմազգ Վրաստան» ՀԿ նախագահ Առնոլդ Ստեփանյանը պատասխանեց․ «Նախ և առաջ, ցամաքային ճանապարհով զենքի մատակարարումը ընդհանրապես բացառված է։ Բացի նրանից, որ Վրաստանը հայտարարել է իր չեզոք դիրքի մասին ու հայտնել, որ պատերազմող կողմերից ոչ մեկը զինամթերք չի ստանա Վրաստանի ցամաքային ճանապարհով, այսօր Վրաստանում ակտիվ աշխատում են թե՛ Հայաստանի, թե՛ Ադրբեջանի և թե՛ Թուրքիայի դեսպանատները, որոնք ուշադիր հետևում են տեղի ունեցող զարգացումներին։ Վրաստանում կան մոտ 500 հազար ադրբեջանցիներ, որոնք ապրում են հենց այն ճանապարհի երկայնքով, որը կապում է Վրաստանը Ադրբեջանին։
Հավատացեք, որ, եթե ինչ-որ բան լիներ, ապա կլինեին մարդիկ, որոնք այդ ամենը կտեսագրեին ու կտեղադրեին համացանցում։ Այն տեսանյութերը, որոնք շրջանառվում էին համացանցում, ժխտեց նաև Վրաստանում Հայաստանի դեսպանատունը, որովհետև տանկերի այդ շարասյունը Վրաստանի զինված ուժերին էր պատկանում և վերադառնում էին զորավարժություններից։ Բացի դրանից՝ պարզվեց, որ այդ տեսանյութը հին էր և իմացանք նույնիսկ, թե ով էր պատվիրել այն տեղադրել համացանցում։ Դա տեղադրել էր մի բլոգեր Մոսկվայում»։
Մանրամասները՝ տեսանյութում։
