Ես իմ որոշումը կայացրել եմ և հետագայում էլ չեմ պատրաստվում լինել հայ-իսրայելական բարեկամության խմբում: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Քրիստինե Պողոսյանը՝ անդրադառնալով նրան, որ ինքը հայտարարությամբ հրաժարվել է հայ-իսրայելական բարեկաման խմբին անդամակցությունից` հաշվի առնելով Ադրբեջանի կողմից տեռորիստական պատերազմն ու Իսրայելի ոկղմից նրան զենքի պարբերաբար վաճառքն ու մատակարարումը:
Դիտարկմանը, թե արդյոք ավելի ճիշտ չէր մնալ այդ խմբում և շարունակել աշխատանքը, ոչ թե դուրս գալ, նա արձագանքեց. «Ովքեր մնացել են, այդ աշխատանքը շարունակելու են: Ես ուզում եմ բոլորի ուշադրությունը գրավել, որ մենք խորհրդարանական աշխատանքով ամբողջ աշխարհի ուշադրությունն ենք դրա վրա կենտրոնացնում: Այսօր Արցախի վրա Ադրբեջանը չի հարձակվել, հարձակվել է Հիտլերի նկրտումներ ունեցող Էրդողանը: Ամբողջ աշխարհը պետք է սա տեսնի: Էրդողանը ահավեկչական խմբեր է բերել, իսկ Ալիևը չունի ոչ տրամաբանություն, ոչ տրամաբանական միտք և նա գործիք է Էրդողանի տեռորիստական խմբերի ձեռքին»,-ասաց նա:
