Էթիլային սպիրտը, որ ստացվում է երկնագույն ագավայից (բույս, որն օգտագործվում է տեկիլա ալկոհոլային խմիչք պատրաստելու համար), համարվել է լավագույն բիովառելիք: Գիտնականների հիմնական փաստարկն այս պնդման վերաբերյալ այն է, որ ագավան կարելի է աճեցնել ոչ թե բերրի դաշտերում, այլ անապատում և բուսականության համար անպիտան ցանքատարածություններում, որպեսզի այն չզբաղեցնի գյուղատնտեսական այլ կուլտուրաների տեղը: Այս մասին գրում է The Guardian-ը:
Նշվում է, որ էթանոլի մեծ մասը, որն օգտագործվում է բիովառելիք ստանալու համար, արտադրվում է եգիպտացորենից: Այդուհանդերձ, փորձագետներն այդպիսի մոտեցումը քննադատում են, քանի որ դա կհանգեցնի ցորենի գնի զգալի աճի, հատկապես՝ ԱՄՆ-ում: Օքսֆորդի համալսարանի մասնագետ Օլիվեր Ինդերվայլդին ասել է, որ ագավայի տերևներից ստացված սպիրտը թույլ է տալիս տեկիլան անվանել լավագույն բիովառելիք:
Գիտնականները նաև պարզել են, որ այս սպիրտից ածխաթթու գազի արտանետումը կազմում է ընդամենը 35 գ մեկ ջոուլ էներգիայի ստացման դիմաց, մինչդեռ եգիպտացորենի դեպքում այդ թիվը կազմում է 85 գ: