Էմի Ուայնհաուսի հայրը՝ Միտչը, երեկ երգչուհու տան բակում հավաքված երկրպագուներին է բաժանել երգչուհուն պատկանող իրերը: Այս մասին գրում է The Sun-ը: Միտչը Էմիի տուն էր եկել նրա իրերը դասավորելու և որոշելու, թե որոնք են մնալու, որոնք՝ բաժանվելու երկրպագուներին: Արդյունքում երգչուհու հայրը երկրպագուներին է նվիրել մի քանի վերնաշապիկ, տարբեր աքսեսուարներ ու մանր իրեր:
Նրա խոսքերով՝ Էմին կգնահատեր իր այս քայլը: «Սա այն է, ինչ նա կցանկանար. կուզեր, որ իր իրերը տրվեն երկրպագուներին»,- ասել է Էմիի հայրը: Մնացած իրերն ընտանիքը պահել է տանը՝ որպես հիշատակ:
Հիշեցնենք, որ երգչուհին մահացել է հուլիսի 23-ին իր բնակարանում: Նրա մարմինը հայտնաբերվել է իր սենյակում՝ առանց բռնության հետքերի: նախնական տեղեկություններով՝ մահը վրա է հասել ալկոհոլի և թմրանյութերի ազդեցության հետևանքով: