Ռուս և հայ զինվորականները սկսել են Կովկաս-2020 համատեղ զորավարժությունները, որոնք ընթանում են Հայաստանի Ալագյազ զորավարժարանում: Այս մասին հայտնում է ՏԱՍՍ-ը՝ հղում կատարելով ՌԴ ՊՆ մամուլի ծառայությանը:
«Սեպտեմբերի 21-ից 26-ը Միավորված խմբավորման գեներալ-մայոր Տիգրան Փարվանյանի հրամանատարությամբ Հարավային ռազմական օկրուգի և ՀՀ զինված ուժերի մոտոհրաձգային ստորաբաժանումները, ավիացիոն և հակաօդային պաշտպանության համակարգերը մասնակցում են գործնական գործողությունների վարժանքին», – հաղորդում է մամուլի ծառայությունը:
Ալագյազում վարժանքներին ներգրավված են շուրջ 1,5 հազար զինծառայողներ և 300 միավոր ռազմական տեխնիկա՝ ներառյալ բանակային և անօդաչու ինքնաթիռներ:
Ընդհանուր առմամբ Կովկաս-2020 զորավարժություններին մասնակցում են ավելի քան 80 հազար զինծառայողներ Ռուսաստանից, Չինաստանից, Մյանմայից և Բելառուսից: Դրանք տեղի են ունենում Հարավային ռազմական շրջանի տարածքում ՝ Սև և Կասպից ծովերում: