Թերթի տեղեկություններով՝ պաշտպանության նախարար Սեյրան Օհանյանը առողջական խնդիրներ ունի և երկարատև բուժման կարիք, պատերազմի ժամանակ ստացած նրա վերքն ակտիվացել է:
Թերթը դիմել է նախարարի մամուլի խոսնակ Դավիթ Կարապետյանին՝ ճի՞շտ է արդյոք, որ նախարարն առողջական խնդիրներ ունի, և հնարավո՞ր է, որ Սեյրան Օհանյանն ազատվի աշխատանքից, քանի որ խոսվում է, որ նա 6-7 ամիս պետք է բուժվի: «Ոչ, այդ տեղեկությունը չի համապատասխանում իրականությանը, այդպիսի բան իրականում չկա այս պահին, չգիտեմ, գուցե իքս ժամանակ հետո… բայց այս պահին չկա այդպիսի բան»,- ասել է նախարարի խոսնակը:
Ըստ թերթի աղբյուրի՝ իշխանության վերնախավում քննարկվում է, որ եթե Սեյրան Օհանյանը մեկնի երկարատև բուժման, նրան այդ պաշտոնում փոխարինելու է պաշտպանաթյան նախարարի առաջին տեղակալ Դավիթ Տոնոյանը: