Ամերիկյան էսկադրային ականակիրը կտրել-անցել է Թայվանի նեղուցը: Ինչպես օգոստոսի 31-ին հայտնել է Թայվանի Կենտրոնական լրատվական գործակալությունը՝ վկայակոչելով կղզու պաշտպանական գերատեսչությունը, դա վերջին երկու շաբաթվա ընթացքում նեղուցով ԱՄՆ-ի ռազմածովային ուժերի նավի անցման երկրորդ դեպքն է:
Էսկադրային ականակիրը, որի անվանումը չի նշվում, նեղուցով ընթացել է հյուսիսից հարավ և շարունակել հարավային ուղղությամբ:
Դա տարեսկզբից ի վեր նեղուցով ԱՄՆ-ի ռազմածովային նավերի իններոդ անցումն է: ՉԺՀ-ի պաշտպանության նախարարությունն առայժմ չի մեկնաբանել այդ իրադրությունը:
Պեկինը դատապարտում Է նման գործողությունները՝ դրանք համարելով սադրիչ: Թայվանը սեփական վարչակազմի կողմից կառավարվում է 1949 թվականինց, երբ կղզի փախան Գոմինդանի ուժերի մնացորդները՝ Չան Կայշիի (1887 – 1975) գլխավորությամբ, որոնք պարտություն էին կրել քաղաքացիական պատերազմում:
Այդ ժամանակվանից ի վեր Չինաստանի այդ ամենամեծ կղզին գտնվում է սեփական վարչակազմի կառավարման ներքո՝ պահպանելով դրոշը, արժույթը և նախկին Չինաստանի Հանրապետության որոշ այլ խորհրդանիշներ: Պաշտոնական Պեկինը Թայվանը համարում Է Չինաստանի նահանգներից մեկը:
