China Shipbuilding Group-ը մտնում է Չինաստանի այն 24 ընկերությունների և մասնավոր անձանց թվի մեջ, որոնք ներառված են ԱՄՆ-ի պատջամիջոցների նոր ցանկում՝ հաղորդել է Splash-ը:
ԱՄՆ-ի առևտրի նախարարության հայտարարության համաձայն՝ Վաշինգտոնը պատժամիջոցներ է սահմանել Չինաստանի 24 ընկերությունների դեմ, որոնք մասնակցում են արհեստական կղզիների կառուցմանը Հարավչինական ծովում: Պեկինը նոր արհեստական կղզիներ է կառուցում տարածաշրջանում՝ դրանցում ռազմական օդաթռիչքարաններ, հակաօդային պաշտպանության համակարգեր, ինչպես նաև սպառազինությունների հականավային համակարգեր տեղաբաշխելու մտադրությամբ, որպեսզի վերահսկողության տակ առնի ափամերձ ծանծաղուտի շրջանները, որտեղ ածխաջրածինների խորշոր պաշարներ են հայտնաբերվել:
Պատժամիջոցները նախատեսում են ԱՄՆ-ում արտադրված ապրանքների, ինչպես նաև այն ապրանքների վաճառքի սահմանափակում, որոնք պարունակում են ԱՄՆ-ում արտադրված համալրող մասեր և տեխնոլոգիաներ:
China Shipbuilding Group-ը կազմվել է անցյալ տարի CSIC և CSSC պետական նավաշինական ընկերությունների միաձուլման շնորհիվ:
