Բրիտանացի երաժիշտ, The Beatles խմբի հիմնադիրներից մեկին՝ Ջոն Լենոնին 1980 թվականին սպանած Մարկ Չեփմենին ազատ արձակելու միջնորդությունը 11-րդ անգամ մերժվել է Պայմանական վաղաժամկետ ազատման խորհրդի կողմից։
Այս մասին օգոստոսի 26-ին հաղորդել է Reuters գործակալությունը:
Նշվում է, որ Չեփմենի ազատ արձակման դեմ է հանդես գալիս երաժշտի այրին՝ Յոկո Օնոն։
Ազատ արձակման հաջորդ միջնորդությունը, որի իրավունքը ստացել է հանցագործը 20 տարվա ազատազրկումից հետո, 65-ամյա դատապարտյալը կարող է ներկայացնել միայն երկու տարի հետո։
Հիշեցնենք, որ Ջոն Լենոնը սպանվել է 1980 թվականի դեկտեմբերի 8-ին: Չեփմենը հինգ անգամ կրակել է երաժշտի մեջքից, երբ նա տուն էր վերադառնում իր կնոջ հետ: Լենոնը մահացավ հիվանդանոցի ճանապարհին՝ արյան կորստից:
Չեփմենը դատապարտվեց ցմահ ազատազրկման:
