2020 թվականի ապրիլից կառավարությունն ընդունել է մի շարք հակաճգնաժամային միջոցառումներ, որոնց նպատակն աշխատատեղերի պահպանումն է և աշխատավարձերի անկումը կանխելը։
Արդյոք այս ամիսներին հնարավո՞ր է եղել խուսափել աշխատատեղերի և աշխատավարձերի կրճատումից․ «Առաջին լրատվական»-ի հարցին տնտեսագիտության դոկտոր, պրոֆեսոր Աշոտ Մարկոսյանը պատասխանեց․ «Նախ՝ հարցին կարելի է մոտենալ երկու տեսանկյունից։ Առաջինը, որ իրոք որոշակի ժամանակահատված անցել է, և Ազգային վիճակագրական կոմիտեն արդեն 6 ամսվա կտրվածքով ունի հրապարակումներ։ Այնտեղ օգտագործվում են 10 ցուցանիշներ, որոնք նախնական տվյալներ են, բայց, այնուհանդերձ, անցած ժամանակահատվածի վերաբերյալ ուրվագիծ ունենում ենք։ Մյուս կողմից էլ՝ եթե մենք խնդրին նայում ենք հատկապես այն պատկերացումներով, որոնք մենք ունենք մայիսին, հունիսին և այլն, ապա տեսնում ենք, որ անորոշության գործակիցը դեռևս մեծ է՝ ռիսկն ավելի մեծ է։
Երբ հետևում ենք աշխարհի անցուդարձին՝ հատկապես եվրոպական երկրների, բոլորի մոտ այն կարծիքն է, որ լինելու է երկրորդ ալիք։ Սա ինչո՞ւ է կարևոր։ Ինձ թվում է, որ մեր իշխանությունները չպետք է շտապեն արագ էս վիճակից դուրս գալու համար, որովհետև, եթե լինելու է երկրորդ ալիք, ապա այն կարող է ավելի սարսափելի լինել։ Մանավանդ՝ դպրոցներում ու բուհերում դասապրոցեսների վերսկսումը կարող է լուրջ հետևանքներ ունենալ, որովհետև այս հիվանդության դեպքում կարող եք հիվանդ լինել, բայց ընդհանրապես չզգաք, որ հիվանդ եք։ Դրա հետևանքով հիվանդների թիվը կարող է ավելանալ ոչ միայն անգամներով, այլ տասնյակ անգամներով։ Սա հանգամանք է, որ մենք պետք է հաշվի առնենք։
Բայց, այնուհանդերձ, նման իրավիճակում, երբ վիճակագրությունն ունի նաև որոշակի գնահատականներ, կարելի է նաև եզրակացություններ կատարել»։
Մանրամասները՝ տեսանյութում։
