Գերմանացի բժիշկների պաշտոնական զեկույցում ասվում է, որ «կլինիկական հետազոտության արդյունքները փաստում են «Խոլինեսթերազի արգելակիչներ» խմբի ակտիվ նյութերով թունավորման մասին՝ գրում է BBC-ն:
«Նյութի ճշգրիտ կազմը դեռ անհայտ է, սկսվել են հետագա լայնածավալ հետազոտությունները: Թույնի ազդեցությունը, այսինքն` մարմնի վրա ացետիլխոլինեսթերազի արգելակումը բազմիցս ապացուցվել է անկախ լաբորատորիաներում», – նշվում է հաղորդագրության մեջ:
«Շարիտե»-ն նաև հավելում է, որ «հիվանդը շարունակում է մնալ ինտենսիվ թերապիայի բաժանմունքում և դեռ արհեստական կոմայի մեջ է»: «Նրա վիճակը շարունակում է մնալ ծանր, բայց այս պահին նրա կյանքին անմիջական վտանգ չի սպառնում», – ասվում է հիվանդանոցի տարածած հայտարարության մեջ: