Մեծ Բրիտանիայի թագավորական ընտանիքում Մեգան Մարքլի հայտնվելուց ի վեր ընտանիքի շատ անդամների կյանքը բարդացավ։ Առավելապես տուժեց արքայազն Հարրին՝ Մեգանի ապագա ամուսինը. նա լուրջ տարաձայնություններ ունեցավ Էլիզաբեթ II թագուհու հետ:
Ըստ The Sun-ի՝ ամեն ինչ սկսվեց հարսանիքից առաջ: Կռվախնձորը արքայազնի ապագա կնոջ զարդն էր: Այս մասին «Ազատության որոնումներում» գրքում պատմում է հեղինակը՝ Օմիդ Սքոբին: Գրիքը նվիրված է զույգի կյանքին:
Ինչպես պարզվել է, վեճը ծագել է այն բանից հետո, երբ թագուհու օգնական Անժելա Քելին հրաժարվել է օգնել Մարքլին՝ տոնակատարության համար ընտրված պսակաթագը փորձելու:
Այս դեմարշը լրջորեն զայրացրեց արքայազն Հարրիին և նա վիճեց տատիկի հետ: Ըստ նրա, Քելին «պարտավոր էր կատարել իր աշխատանքը» ապագա կնոջ համար:
Հայտնի չէ, թե թոռնուհու պնդումներին թագուհին ինչ է պատասխանել, Սքոբին միայն ասաց, որ արքայական ընտանիքը շատ հաճախ էր «բարդացնում Մեգանի կյանքը»:
Լարված էր նաև Հարրիի և եղբոր՝ արքայազն Ուիլյամի հարաբերությունները: Ինչպես պարզվեց, վերջինս զայրույթից տեղը չէր գտնում, երբ «Մեգզիթի» պլանները հայտնի դարձան ամբողջ աշխարհում: Նա վախենում էր, որ Հարրին և Մեգանը իրենց հրապարակայնությամբ «ոչնչացնելու են թագավորական ընտանիքի հեղինակությունը»: Արդյունքում Ուիլյամը, Սանդրինհեմյան հանդիպումից հետո, երկու ամիս չի շփվել եղբոր հետ:
