Միացյալ Նահանգների, Գերմանիայի և Ֆրանսիայի առաջնորդներ Դոնալդ Թրամփը, Անգելա Մերկելը և Էմանուել Մակրոնը մեկնաբանել են ԿՊՀ ղեկավար Ալեքսեյ Նավալնիի հոսպիտալացման մասին լուրերը:
Ըստ Reuters-ի, Թրամփը, ելույթ ունենալով Սպիտակ տանն անցկացվող միջոցառման ժամանակ, հայտարարել է, որ ԱՄՆ-ը «հետևում է» Նավալնիի հոսպիտալացման հետ կապված իրավիճակի զարգացմանը:
Մերկելը նշել է, որ Գերմանիան բժշկական օգնություն կտրամադրի, անհրաժեշտության դեպքում նաև իր բժշկական հաստատությունների հասանելիություն կապահովի՝ համապատասխան խնդրանքի դեպքում: Նա հույս է հայտնել, որ ընդդիմադիր քաղաքական գործիչն արագ կապաքինվի:
Մակրոնը նշել է, որ Ֆրանսիան պատրաստ է անհրաժեշտ օգնություն ցուցաբերել Նավալնիին, այդ թվում՝ քաղաքական ապաստան տրամադրել:
Նավալնիի ինքնազգացողությունը վատացել է Տոմսկից Մոսկվա թռչող ինքնաթիռում: Օդանավը շտապ վայրէջք է կատարել Օմսկում, որտեղ նրան տեղափոխել են հիվանդանոց: Ենթադրվում է, որ նրա մոտ սուր տոքսիկ թունավորում է: Այս պահին Նավալնին կոմայի մեջ է, նրա վիճակը կայուն ծանր է:
