«Անտարես» հրատարակչության տնօրեն Արմեն Մարտիրոսյանը ֆեյսբուքյան իր էջում գրել է.
Զառա Վագանովնա, Զառա Վահանի, Զարուհի Վահանդուխտ, Տիկին Մաթևոսյան, թե Զարուհի
Ինչո՞ւ են Կառավարության նիստում բոլորի հանդեպ օգտագործում հարգելի, իսկ վարչապետին՝ մեծարգո։ Մյուս ներկաները փոքրարգո՞ են, թե՞ պակաս մարդիկ են։ Էս ինչ քծնել է, որ քծնում են։ Զեկուցողները ոչ թե Նիկոլի հարցին են պատասխանում, այլ փորձում են որսալ, թե վարչապետին ինչը հաճելի կլինի լսել։
Եվ վերջինը՝ նողկանք չե՞ք ապրում, երբ հայերեն իրար անուն հայրանունով եք դիմում։ Հակոբ Աբգարի, Սիրանուշ Սանասարի, Դավիթ Բաղդասարի։ Այ օտարամետ անմշակույթ էակներ՝ մենք Դավթին ասում ենք Սասունցի, Մովսեսին՝ Խորենացի, դուք էլ կարծում եք, որ Մովսեսը կամ Դավիթը հեր չունեին։ Կա հայերեն դիմելու ձևեր՝ պարոն Նիկողոսյան կամ ուղղակի Արքմենիկ։ Ինչ, կարծում եք, եթե ես մեկին դիմեցի Աշոտ կամ պարոն Թորոսյան, իսկ դուք՝ Աշոտ Տիգրանի, ապա դուք ավելի քաղաքավարի՞ եք։ Այ էդպես մտածելով մեզ տարան ռուսական դպրոցներ, այ էդպես խլեցին մեր մշակույթը, այ էդպես ստիպեցին, որ դուք կայսրությունում ընդունված դիմելաձևը հարմարեցնեք հայերենին։ Մի քիչ Թուրքիան ուժեղանա, դուք Աշոտ Աբգարի Սարգսյանին կդիմեք Աշոտբեյ կամ Աշոտ Աբգարօղլու, քանի որ դուք «Սասնա ծռեր» ոչ լսել եք, ոչ կարդացել, քանի որ դուք օտարամոլ եք ու սեփականը չգնահատող, իսկ ձեր միջի Սովետը հիմա զիլ ծիլեր է տալիս։
Սրա դեմը հենց Նիկոլը պիտի առնի, այո՛, Հեղափոխության լիդեր Նիկոլը
https://www.facebook.com/armen.martirosyan.5036/posts/10221326598666728
