Ռուսաստանի նախագահ Վլադիմիր Պուտինը կրկին հեռախոսազրույց է ունեցել բելառուսցի իր գործընկեր Ալեքսանդր Լուկաշենկոյի հետ: Այս մասին կիրակի՝ օգոստոսի 16-ին, հայտնել է ՏԱՍՍ-ը՝ հղում անելով Կրեմլի մամուլի ծառայությանը:
Նշվում է, որ զրույցի ընթացքում երկու երկրների ղեկավարները քննարկել են ընտրություններից հետո Բելառուսում տիրող իրավիճակը, մասնավորապես, դրսից հանրապետության իշխանությունների վրա գործադրվող ճնշումները:
Բացի այդ, Պուտինը վերահաստատել է Մոսկվայի պատրաստակամությունը՝ աջակցել Մինսկին հանրապետությունում առկա խնդիրների լուծման գործում՝ Միութենական պետության վերաբերյալ համաձայնագրի շրջանակներում, ինչպես նաև ՀԱՊԿ-ի միջոցով:
Երկու նախագահների նախորդ զրույցը տեղի է ունեցել շաբաթ օրը՝ օգոստոսի 15-ին: Զրույցի արդյունքում Լուկաշենկոն ասել է, որ Ռուսաստանը պատրաստակամություն է հայտնել օգնել Բելառուսին «առաջին խնդրանքով»:
Մինչ այդ Լուկաշենկոն եւ Պուտինը շփվել էին օգոստոսի 7-ին:
