Գերմանիայի Մյունխենի օդանավակայանում անվտանգության աշխատակիցները ուղևորներից մեկի ուղեբեռում գտել են հանգուցյալ ամուսնու ոսկորները: Այս մասին հայտնում է Bild հրատարակությունը՝ հղում անելով դաշնային ոստիկանության հայտարարությանը:
Նշվում է, որ ոսկորները հայտնաբերվել են փայտե տուփի մեջ խուզարկության ընթացքում:
Ուղեբեռի զննմանը ներգրավվել են սահմանային հսկողության աշխատակիցները, բժիշկը և դատախազությունը:
Պարզվել է, որ 74-ամյա կինը և նրա 52-ամյա դուստրը ցանկանում էին հանգուցյալի մնացորդները Հունաստանից, որտեղ նրանք ապրում էին, Մյունխենով և Կիևով տեղափոխել Հայաստան:
Ինչպես նշվում է փաստաթղթերում, տղամարդը մահացել է դեռևս 2008 թ.-ին և թաղված է եղել հունական Սալոնիկ քաղաքում:
Ի վերջո, իրավապահ մարմինները որոշել են, որ հանգուցյալի մնացորդների տեղափոխումը չի հակասում օրենքին, և կանանց թույլ են տվել իրենց ուղեբեռով շարունակել ճանապարհը դեպի Հայաստան:
