Սև ծովում ավարտվել են Sea Breeze-2020 միջազգային զորավարժությունները, զորաշարժերի բոլոր առաջադրանքները կատարվել են լրիվ ծավալով: Այդ մասինհուլիսի 27-ին հայտնել է Ուկրաինայի պաշտպանության նախարարութան մամուլի ծառայությունը: Ուկրաինայի զինված ուժերի ռազմածովային ուժերի հրամանատար Ալեքսեյ Նեիժպապան հուլիսի 20-ին հայտնել էր, որ Սև ծովում սկսվել են Sea Breeze-2020 միջազգային զորավարժությունները:
«Սև ծովում ավարտվել են հոբելյանական 20-րդ Sea Breeze… միջազգային զորավարժությունները: Զորաշարժերի բոլոր առաջադրանքները կատարվել են լրիվ ծավալով: Sea Breeze-2020 վարժանքների ղեկավարներն ուկրաինական և ամերիկյան կողմից շնորհակալություն են հայտնել բոլոր մասնակիցներին պրոֆեսիոնալ պատրաստվության բարձր մակարդակի և առաջադրանքների արդյունավետ կատարման համար: Նրանց խոսքով՝ այդ զորավարժությունները հերթական անգամ ցույց են տվել ԱՄՆ-ի, Ուկրաինայի, տարածաշրջանային դաշնակիցների ու գործընկերների միջև համագործակցության բարձր մակարդակը Սևծովյան տարածաշրջանում պատրաստության և օպերատիվ համատեղելիության ապահովման համար»,- ասվում է հաղորդագրության մեջ:
Մամուլի ծառայության տվյալներով՝ զորավարժություններին մասնակցել են Ուկրաինայից, ԱՄՆ-ից, Բուլղարիայից, Վրաստանից, Նորվեգիայից, Ռումինիայից, Իսպանիայից և Թուրքիայից շուրջ 2 հազար մարդ և ավելի քան 20 նավ, ինչպես նաև ինքնաթիռներ, ուղղաթիռներ և նման բաներ:
Ծովում զորավարժությունների նավա-կատերային խմբերի գործնական գործողություններին ուշադիր հետևել են ՌԴ-ի Սևծովյան նավատորմի նավերը՝ հավելել են պաշտպանության նախարարությունում՝ հաղորդել է ՌԻԱ Նովոստին:
