Լուրեր
Ֆեյսբուքն այսօր դարձել է մեր ազգային ֆոլկլորը․ պետք չէ այն լուրջ ընդունել

Օրերս հայտնի դարձավ, որ Լևոն Իգիթյանը, սեփական դիմումի համաձայն, ազատվել է Հենրիկ Իգիթյանի անվան գեղագիտության ազգային կենտրոնի տնօրենի պաշտոնից: ԿԳՄՍ նախարարն իր ֆեյսբուքյան էջում գրել էր, որ այդ պաշտոնում կնշանակվի մեր օրերի լավագույն արվեստագետներից ռեժիսոր Վահան Բադալյանը: «Առաջին լրատվական»-ի հետ զրույցում Վահան Բադալյանը նշեց, որ բազում ծրարգեր ու գաղափարներ կան, որոնք ցանկանում է իրագործել, առայժմ զբաղված է ճանաչողությամբ՝ հասկանալու, թե ինչպես կարելի է պոտենցիալը զարգացնել և ապագային միտված և հետաքրքիր մշակութային պրոդուկտ տալ:

«Այս տարի, թե՛ կորոնավիրուսի, թե՛ մեզ շրջապատող այլ խնդիրների պատճառով ջրի մակերես դուրս եկան շատ հարցեր: Գետը պիտի վարարի, հասնի գագաթնակետի, բոլոր խնդիրները պետք է դուրս գան, հետո նոր սկսի իր հունը գտնել և հանդարտվել, կարծում եմ մշակութի ոլորտն այս փուլում է: Մշակույթի ոլորտում վաղուց փոփոխությունների կարիք կա: Կառուցվածքային, գուցեև կտրուկ փոփոխություններ են անհրաժեշտ, որ մշակութային դաշտը վերածնվի: Մենք վախենում ենք կարծրացած ավանդույթներից ու ստերեոտիպներից հրաժարվել, հիմա լավագույն առիթ է փոփոխություններ անելու համար»,- նշեց Վահան Բադալյանը:

Ռեժիսորի դիտարկմամբ՝ ակնհայտ է, որ իշխանությունը և հասարակությունը այժմ նույն ճանապարհով է գնում, կա երկխոսություն, ինչը հիանալի է. «Մենք ապրում ենք պարադոքսալ ժամանակներում, արժեհամակարգեր են փոխվում»:

Մանրամասն՝ տեսանյութում:

  • Դիտումներ՝ *