ԱՄՆ-ի դոլարի գերիշխող դիրքը համաշխարհային առևտրի և ֆինանսների ոլորտում կարող է ուժեղացնել COVID-19-ով պայմանավորված ճգնաժամի էֆեկտը: Այդ մասին նախազգուշացնում են Արժույթի միջազգային հիմնադրամում (ԱՄՀ):
«Դոլարի ամրապնդումը կարող է ուժեղացնել համաշխարհային առևտրի և տնտեսական ակտիվության անկումը կարճաժամկետ հեռանկարում»,-ասվում է ԱՄՀ-ի հետազոտության մեջ: Միևնույն ժամանակ դոլարի ամրապնդումը կհանգեցնի ներմուծված ապրանքների գների աճի և ներմուծված ապրանքների ու ծառայությունների պահանջարկի նվազման:
Բացի այդ, տուրիստական ճյուղի վերականգնումը, որը սովորաբար ուժեղ կերպով Է անդրադառնում ազգային արժույթների տատանման վրա, սահմանափակվել է կարանտինային միջոցառումների պատճառով:
ԱՄՀ-ում նշել են, որ դոլարով հաշվարկների առավել մեծ բաժինը դիտվում է Լատինական Ամերիկայի և Ասիայի երկրների արտաքին առևտրում, հաղորդել է «Ինտերֆաքս»-ը:
