Tuesday, 19 03 2024
10:30
«Ադրբեջանի շահերից է բխում թույլ չտալ Պուտինի հաղթանակը»․ Ստոլտենբերգ
10:22
Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման
Բելգիայի Սենատում քննարկում կանցկացվի Հարավային Կովկասում իրավիճակի վերաբերյալ
ԵՄ արտգործնախարարները վերահաստատել են իրենց աջակցությունը Հայաստանին. Ստանո
ՊԵԿ-ը փետրվարին 150 հարկ վճարողի մոտ արձանագրել է ՀԴՄ կիրառման կանոնների խախտում
Ուղիղ. Ազգային ժողովի հերթական նիստը
Դիլիջանի ոլորանները փակ են բեռնատարների համար
4 պատճառ, թե ինչու չարձագանքել Պուտինի վերընտրությանը
Սպասվում են ինտենսիվ տեղումներ
Եթե նախկինում հնարավոր էր ընտրություն կատարել, այսօր չկա այլընտրանք, քան Եվրոպան
Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ. «Ժողովուրդ»
Հանրահավաքը կպառակտի՞, թե՞ կմիավորի. «Հրապարակ»
Ռուսները նախազգուշացնում են՝ գենոցիդ ենք անելու
Ինչ է քննարկվել ՔՊ խմբակցության փակ նիստում. «Հրապարակ»
«Ներքին գործերի նախարարությունը 89 հատ թանկարժեք ժամացույց է գնել. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Մոտ 5 միլիոն դրամ՝ օրացույցների և օրագրերի համար․ ԱԺ անհիմն գնումները 2024-ի առաջին եռամսյակում. «Ժողովուրդ»
ՀՀ իշխանություններն իրականում չեն պատրաստվում խզել ՌԴ-ի հետ որեւէ միջպետական պայմանագիր. «Հրապարակ»
Փաշինյանը պաշտոնա՞նկ կանի Շիրակի մարզպետին. «Ժողովուրդ»
Նիկոլ Փաշինյանն ապահովագրում է իրեն Ա և Բ պլանների համա՞ր
Հանրապետության նախագահն ընդունել է ֆրանսիացի մտավորականների
Պուտինը ՌԴ նախագահի թեկնածուներին առաջարկել է համատեղ աշխատել
Եթովպիայում ՀՀ դեսպանն իր հավատարմագրերն է հանձնել երկրի նախագահին
Հայաստանի և Մալթայի ԱԳ նախարարությունների միջև անցկացվել են առաջին քաղաքական խորհրդակցությունները
Վարչապետը տիկնոջ հետ ներկա է գտնվել «…և նորից Գարուն» ներկայացմանը
00:07
Բայդենը Նեթանյահուին հայտնել է Իսրայելի ռազմական ծրագրերի վերաբերյալ մտահոգությունների մասին
Էրդողանը շնորհավորել է Պուտինին
00:03
ԱՄՆ-ն չի շնորհավորի Պուտինին ընտրություններում հաղթանակի կապակցությամբ
Եղանակային պայմանները ՀՀ ավտոճանապարհներին
Արա Աբրահամյանի ներկայացուցիչը 20-ամյա երիտասարդի է ծեծի ենթարկել

Արմեն Սարգսյանը հանդիպում է ունեցել զբոսաշրջության և հյուրանոցային ոլորտի մի խումբ ընկերությունների ղեկավարների հետ

Հանրապետության նախագահ Արմեն Սարգսյանը հանդիպում է ունեցել զբոսաշրջության և հյուրանոցային ոլորտի մի խումբ ընկերությունների ղեկավարների հետ: Մինչ հանդիպման բուն թեմաներին անցնելը նախագահ Սարգսյանը ևս մեկ անգամ անդրադարձել է մեր երկրի հյուսիս-արևելյան սահմանի Տավուշի հատվածում ստեղծված իրավիճակին: Նախագահը նշել է, որ ներկայիս համավարակային պայմաններում Ադրբեջանը դիմել է անտրամաբանական ու անմարդկային քայլերի: Նախագահ Սարգսյանը վերստին հավաստիացրել է, որ հայկական բանակը, նախահարձակ չլինելով, թելադրողի դիրքերից լիովին վերահսկում է իրավիճակը: «Մեր բոլոր մտքերը և աղոթքները մեր մարտիկների և նրանց ընտանիքների հետ են»,-ասել է նախագահ Սարգսյանը՝ ևս մեկ անգամ իր ցավակցությունը հայտնելով մեր զոհված հերոսների ընտանիքներին և ապաքինում մաղթելով վիրավորներին: Այս մասին հայտնում են ՀՀ նախագահի աշխատակազմից։

Զբոսաշրջության և հյուրանոցային ոլորտը ներկայացնող ընկերությունների ղեկավարները շնորհակալություն են հայտնել քննարկման հնարավորություն համար՝ նշելով, որ այս ոլորտը համավարակից ամենաշատն է տուժել, և բարձրաձայնել են մի շարք խնդիրներ: Նրանք մասնավորապես խոսել են ոլորտի վրա համավարակի ազդեցության, պետական աջակցության և հարկային արտոնությունների տրամադրման անհրաժեշտության, մեր երկրի համար հեռանկարային և ներուժ ունեցող այս բնագավառի հետագա զարգացումը չվտանգելու կարևորության մասին՝ այս համատեքստում մասնավորապես խիստ կարևորելով մասնագետ կադրերի պահպանման խնդիրը: Նրանք անդրադարձել են նաև ոլորտի վերականգնման կանխատեսումներին և դրա խթանմանն ուղղված հնարավոր լուծումներին:

Զբոսաշրջության ոլորտը համարելով մեր երկրի հեռանկարային ուղղություններից մեկը և արձագանքելով ներկայացված խնդիրներին՝ նախագահ Սարգսյանը նշել է, որ համավարակից հետո մարդիկ սկսելու են աշխարհը նորովի տեսնել, նորովի բացահայտել, և այդ նոր աշխարհում նոր մրցակցություն է լինելու, այդ թվում՝ զբոսաշրջության ոլորտում: Ուստի կարևոր է լինելու այսօրվանից մտածել զբոսաշրջության զարգացման ռազմավարության, երկրի ճանաչելիության բարձրացմանն ուղղված քայլերի, երկրի բրենդինգի և մարքենթինգի մասին:

Հանրապետության նախագահը նշել է, որ դեռ անցյալ տարի իր առաջարկով ՄԱԿ-ի Առևտրի և զարգացման համաժողովը (UNCTAD) Հայաստանի ներդրումային հնարավորությունների մասին զեկույց էր պատրաստել: Այս տարի, կորոնավիրուսի համավարակի հետ կապված, Հանրապետության նախագահի աշխատակազմի հետ համատեղ, զեկույցում հավելում է կատարվել, նշվել են այն ուղղությունները, որոնք համավարակային և հետհամավարակային շրջանում կարևոր են լինելու երկրի զարգացման համար:

Նախագահի խոսքով՝ զեկույցում արձանագրվել են շատ պարզ, բայց կարևոր քայլեր, որոնցից են, օրինակ, ուշադրությունը գյուղատնտեսությանը, որը կապված է պարենի անվտանգության հետ, էլեկտրոնային կառավարման գործիքների ներդրումը՝ էլեկտրոնային կրթություն, էլեկտրոնային առողջապահություն և այլն: Առաջարկվել է նաև արագ արձագանքման խումբ ստեղծել, որը կներկայացնի Հայաստանը դրսում և, միաժամանակ, ներսում կաջակցի ներդրողներին, նրա գործունեության մի մասը կարող է ուղղված լինել զբոսաշրջությանն ու մարքեթինգին. «Թե՛ ընդհանուր, թե՛ հայկական զբոսաշրջությունը կարող է նպաստել, որ մարդիկ կապվեն մեր երկրի հետ, որ մարդիկ ներդրում անեն այստեղ: Հետևաբար, մարքեթինգի իմաստով անելիք ունենք: Սա գաղափար է, որը կիսում ենք UNCTAD-ի հետ»:

Նախագահ Սարգսյանը նաև կարևոր է համարել տեղական շուկայի վրա կենտրոնանալը. «Ձեր ուղղություններից մեկը պետք է ներքին շուկան դառնա. բազմիցս բարձրաձայնել եմ այդ մասին, միայն դրա արդյունքում երեք անգամ մեծացել է Գյումրի այցելուների թիվը: Բայց նաև դուք պետք է ուշադրություն դարձնեք ներքին զբոսաշրջությանը՝ աջակցելով դրա զարգացմանը, որ մարդիկ ճանաչեն հայրենիքը՝ Գյումրին, Արցախը, որն աշխարհի ամենագեղեցիկ վայրերից է»:

Արմեն Սարգսյանը տեղեկացրել է, որ նախագահական ինստիտուտի նախաձեռնությամբ Հայաստանում մի շարք միջազգային միջոցառումներ են անցկացվելու, որոնք նույնպես նպաստելու են զբոսաշրջության զարգացմանն ու մեր երկրի ճանաչելիությանը: Նա նշել է, որ առաջիկայում պաշտոնապես հայտարարվելու է STARMUS միջազգային հեղինակավոր փառատոնը գալիք տարի Հայաստանում անցկացնելու մասին. «Այն գիտությանը, աստղագիտությանը, երաժշտությանն ու արվեստին նվիրված միջազգային փառատոն է, որի պատվո հյուրն էի անցյալ տարի Ցյուրիխում, որտեղ արտասահմանյան զբոսաշրջիկների թիվը 6000 էր։ Ես առաջարկեցի կազմակերպիչներին՝ Գարիկ Իսրայելյանին, իմ ընկերներ Բրայան Մեյին, Փիթր Գաբրիելին գալ Հայաստան։ Խոսքն այն մասին է, որ աշխարհահռչակ ռոք երաժիշտներ են գալու, նոբելյան մրցանակակիրներ, գիտնականներ, լինելու է գիտության, աստղագիտության, երաժշտության և նաև արհեստական բանականության փառատոն։ Հետաքրքրությունը շատ մեծ է, որովհետև Հայաստանը ցուցադրելու շատ բան ունի»։

Նախագահ Սարգսյանը նշել է նաև մյուս միջոցառումների՝ «Մտքերի հայկական գագաթնաժողով»-ի, «Հորասիս-Չինաստան» համաժողովի մասին, որոնք ծրագրվում են աշնանը, և որոնց նկատմամբ ևս մեծ հետաքրքրություն կա. «Սրանք միջոցառումներ են, որոնք կարող են աջակցել զբոսաշրջությանը: Հյուրերից շատերը գալիս են նաև ընտանիքներով, բացահայտում են Հայաստանը, կապեր են հաստատում»։ Նրա խոսքով՝ զբոսաշրջության խթանմանն է նպաստելու նաև Ծիծեռնակաբերդի տարածքում «Հայ պարկ»՝ համազգային այգի ստեղծելու գաղափարը, որը նաև ուղղված է մեր ազգի միասնականությանը:

Ամփոփելով հանդիպումը՝ նախագահը նշել է, որ թեև զբոսաշրջության ոլորտը համավարակից ամենաշատ տուժածներից է, բայց այն մնում է ամենակարևորներից մեկը մեր երկրի համար. «Աշխարհը պետք է նաև ձեր միջոցով իմանա Հայաստանի մասին»։

Բաժիններ
Ուղիղ
Լրահոս
Որոնում