Այսօր՝ հուլիսի 15-ին, Ազգային ժողովում հրավիրվել է արտահերթ նիստ: Այժմ քննարկվում է Տեսալսողական մեդիայի մասին օրենքի նախագիծը երկրորդ ընթերցմամբ ընդունելու մասին հարցը:
«Այս օրենքն 1-ին ընթերցմամբ ընդունվելուց հետո դարձավ յուրատեսակ լակմուսի թուղթ, լյուստրացիայի յուրօրինակ միջոց, որը արագորեն բացահայտեց քաղաքական և պսևդոքաղաքական շրջանակները»,- հայտարարեց անկախ պատգամավոր Արման Բաբաջանյանը:
Նրա խոսքով` օրենքն ունի ազգային անվտանգության նշանակություն, քանի որ տեղեկատվական անվտանգությունը ազգային անվտանգության կարևորագույն բաղադրիչներից է. «Այս ակնհայտ իրողությունները, սակայն, օրենքի քննարկման շրջանակներում մղվեցին երկրորդ պլան: Օրենքի դեմ արշավը եկավ ապացուցելու օրենքի ընդունման խիստ անհրաժեշտությունը, քանի որ դրա դեմ արտահայտվում են նրանք, որոնք հեռուստաեթերը լցրել են տեղեկատվական աղբով, կացնային քարոզչությամբ ու հակաքարոզչությամբ, որը երբեմն հասնում է հակապետական մակարդակի»:
Պատգամավորն ընդգծեց` այս օրենքը մաքրելու է հեռուստաեթերը տեղեկատվական աղբից. «Հանրությանը պաշտպանելու ենք տեղեկատվական տեռորից»:
Մանրամասն՝ տեսանյութում:
