ԱՄՆ-ից Աֆղանստան իրականացվող փոխադրումներից ստացված միլիարդավոր գումարները, անցնելով որոշակի ճանապարհ, հայտնվում են թալիբների ձեռքում: Այս մասին հայտնել է ԱՄՆ-ի պաշտպանության նախարարությունը՝ խոստանալով ուժեղացնել այդ գումարների նկատմամբ հսկողությունը: Այս բացահայտումներն իրականացրել է ամերիկյան հատուկ ծառայությունը, որը ստեղծվել է անցյալ տարի պայմանագրերի պայմանները բարելավելու համար,- հայտնել է պաշտպանության նախարարության գնդապետ Դևիդ Լեպան:
Տվյալները, որոնք ներկայացվել են անցյալ տարի, համաձայնեցվում են ԱՄՆ Կոնգրեսի հետ: Նրանցում ասված է, որ բեռնափոխադրումներն ապահովողները տարեկան տասնյակ միլիոնավոր դոլարներն են վճարում տեղի դաշտային հրամանատարներին, որոնց խմբավորումները գործում են Աֆղանստանի տարածքում: Դրա փոխարեն նրանք չեն հարձակվում տեղափոխվող ապրանքի վրա, ինչպես նաև ապահովում են նրա անվտանգությունը:
Խոսքն այսպես կոչված 2.1 մլրդ դոլարի պայմանագրի մասին է, որն իրականցնում են 8 ընկերություններ՝ բազմաթիվ այլ մանր ընկերությունների օգնությամբ, որոնք ամերիկյան զորքերի համար տեղափոխում են ուտելիք, ջուր, վառելիք և ռազմամթերք և տեղակայված են Աֆղանստանի ամբողջ տարածքում:
Լեպանի խոսքերով՝ նոր պայմանագիրը կներկայացվի կոնկրետ աշխատանքի համար, բացի այդ՝ կներմուծվի նոր համակարգ, որը կօգնի ավելի հեշտ կարգավորել փոխադրումները:
Տարեկան հաշվետվության մեջ նշվում է կոնկրետ գումար, որը տրվել է ահաբեկիչներին, և այս հանցավոր գործունեության մեջ ներգրավված են ութ ընկերություններից չորսը, որոնք աշխատել են գործող պայմանագրով,- ասված է The Washington Post-ի հոդվածի մեջ:
Բացի այդ, նրանք նաև ներգրավված են եղել փողի լվացման, սպեկուլյացիայի և այլ հանցավոր գործունեությունների մեջ: