Թագավորական կենսագիր Թոմ Քուինը Daily Star-ի հետ զրույցում հայտնել է Մեգան Մարքլի և Քեյթ Միդլթոնի ընդհարման պատճառը: Նա նշել է, որ պատճառը եղել է ծառան: Մարքլը ցանկանում էր հաստատվել թագավորական ընտանիքում, բայց նրան թվում էր, որ իրեն երկրորդական դերերի են մղում:
Եվ Սասեքսի դքսին և դքսուհուն բնակության համար տրամադրել էին Նոթինգհեմի քոթեջը, որը Մեգանին «ցածրակարգ» էր թվում: «Կարծում եմ, որ դա անընդհատ Մեգան Մարքլին հիշեցնում էր իր տեղը, որ նա թիվ 2 արքայադուստրն էր»,- նշել է Քուինը:
Մարքլը նաև նկատել է, որ ծառաներից մեկը բավականաչափ հարգալից չէ իր նկատմամբ: Մարքլը հիստերիա է սարքել, իսկ ծառան սառնասրտություն պահպանելով պատասխանել է, որ ինքը դքսուհու աշխատողը չէ: Մարքլը սկսել է բղավել և այդ ամենին ականատես է եղել Քեյթ Միդլթոնը: «Սասեքսի դքսուհին զգացել է, որ իրեն տեղն են դրել, ինչն էլ հունից հանել է նրան»,- գրում է կենսագիրը: Հարկ է նշել, որ այդ ծառան Քեմբրիջի դքսուհու սիրելիներից էր:
Այս դեպքից հետո Մարքլը և Հարին տեղափոխվել են Ֆրոգմոր քոթեջ՝ արքայազն Ուիլյամից և նրա կնոջից հեռու մնալու համար: