«Առաջին լրատվական»-ի մեր աղբյուրները փոխանցում են, որ Սերժ Սարգսյանի որոշմամբ՝ խորհրդարանական ընտրություններում ՀՀԿ շտաբը ղեկավարելու է ՀՀ ԱԺ նախագահ Հովիկ Աբրահամյանը: Վերջին ամիսներին, հանրապետականներին այս հարցն ամենաշատն էր հուզում, քանի որ ԱԺ նախագահի պաշտոնը ստանձնելուց հետո վերջինիս նկատմամբ էականորեն նվազել էր վստահությունը կուսակցության շարքերում: Այժմ կարծես բոլոր կասկածները փարատվել են:
Ի դեպ, Հովիկ Աբրահամյանը հայտնի է քրեական աշխարհում իր ամուր կապերով. այդ գործոնն էական դերակատարություն է ունենում Հայաստանում համապետական բոլոր ընտրությունների ժամանակ: Մեր աղբյուրի պնդմամբ՝ Հովիկ Աբրահամյանի ընտրությունը ՀՀԿ կենտրոնական շտաբի պետի պաշտոնում մեծապես պայմանավորված է հենց այս հանգամանքով:
