Վաղամեռիկ Էմի Ուայնհաուզի ալբոմների վաճառքը վերջին երկու օրվա ընթացքում աճել է 37 անգամ: Այս մասին հաղորդում է NME կայքը: Նրա երգերն առանձին-առանձին նույնպես մեծ պահանջարկ են ունեցել. դրանց վաճառքն ավելացել է 23 անգամ: Back to Black ալբոմը, որը նրա երկրորդ և վերջին ալբոմն է և լույս է տեսել դեռ 2006 թ., կարողացել է բարձրանալ ալբոմների չարտերի 59-րդ հորիզոնական, իսկ այդ ալբոմի առաջին երգը` սինգլների 81-րդ հորիզոնական:
Այս շաբաթվա բրիտանական չարտերի առաջին հորիզանականում կրկին երգչուհի Ադելն է իր «21» ալբոմով, որը 18 շաբաթ շարունակ չի իջնում առաջին հորիզոնականներից: Նրա «19» ալբոմը երրորդն է, իսկ երկրորդ տեղում է Բեյոնսեն «4» ալբոմով: