Գիտնականները եկել են մի եզրակացության, որը լուրջ անհանգստություն կարող է առաջացնել տարբեր սննդակարգերի հետևող և նիհարել ցանկացողների համար. եթե դուք մի անգամ արդեն գիրացել եք, ապա այլևս չեք կարող ազատվել ավելորդ քաշից: Այս մասին գրում է The Telegraph-ը: Դիետաները կարող են օգնել, սակայն՝ կարճ ժամանակով: Մարդկանց գերակշիռ մեծամասնությունը դիետաներից հետո կրկին վերականգնում է կորցրած կիլոգրամները:
25,000 կանանց և տղամարդկանց երկարատև դիտարկումները, որոնք անց են կացվել Բրիտանիայի բժշկական հետազոտական խորհրդի մասնագետների կողմից, ցույց են տվել, որ երբ մարդիկ միջին տարիքում քաշ են հավաքում, այդ տենդենցը ժամանակի ընթացքում խորանում է: Մասնագետներն ասել են, որ նիհարել քարոզող մարդիկ պետք է ոչ թե քարոզեն դիետաները, այլ փորձեն հենց սկզբից կանխել ավելորդ քաշի ձեռքբերումը:
Նշվում է նաև, որ տարեկան մոտ 12 միլիոն մարդ փորձում է հատուկ դիետաների միջոցով ազատվել ավելորդ քաշից, սակայն նրանց միայն 10%-ն է շոշափելի կիլոգրամներ կորցնում, իսկ մնացածը նորից վերականգնում են քաշը: Միջին տարիքից հետո տղամարդիկ ողջ կյանքի ընթացքում քաշ են հավաքում: Կանանց մոտ դա ավելի դանդաղ է ընթանում, իսկ 35 տարեկանում արձանագրվում է առավելագույն ցուցանիշը: «Երբ ավելորդ քաշ է հավաքվում, դրանից այլևս անհնար է ազատվել»,- ասել է հետազտության հեղինակներից մեկը:
